Velkomen til Saftkokaradn!

Me er den offisielle supportargruppa til Sogndal Fotball.
Namnet er henta frå Sogndal si over hundre år gamle hjørnesteinsbedrift, saft- og syltetøyprodusenten Lerum.
Supporterklubben vart etablert i 2001. Då hadde vår ærverdige forgjengar Fleskaberget lagt inn årene og medlemmane sett seg på hovud- og familitribuna.

Me bidreg som best me kan til å støtte LAGET både på heime og bortebane. Me meinar sjølv me er ein open, inkluderande og entusiastist gjeng med eigne meiningar om det som skjer i klubb og på Campustribuna. I 2012 hadde me ca 110 medlemmer. I 2013 var vi av dei få supporterklubbane med litt vekst. 2014 vart eit litt tyngre år. 2015 litt betre og i 2016 fekk vi til eit stemnings-løft på tribuna saman med uavgengige 1926 og no over 750 medlemmer i vår lukka Facebook-gruppe. Men vi er enno færre enn i gullåra 2003-2004 då me var over 300 betalande medlemmar. Me skal dit att. Bli med på laget! Vi er stolte medlemmar av NSA (Norsk supporterallianse- no i 2018 er vår Vadseth og blitt styreleiar der) og meinar mykje om kva som må til for å skape stemning på tribunene her og elles i landet. Vi har eit godt samarbeid og tillitstilhøve til klubben basert på dialog, sjølv om vi stundom er usamde. Både vi og klubben lærte mykje av ei usemje vi hadde i 2009.

TILBOD TIL MEDLEMANE I SAFTKOKARADN -Saftkokareffektar

SESONGKORT 2018

Sesongkortet kostar 500,- pr.stk. Det var beste pris i Noreg i Eliteserien i fjor. Det er ein bra pris i Obosligaen år! Bli med på laget. Bli medlem då vel (sjå eige menypunkt).

Vi hadde i 2017 eigen butikk på Sogningen kl 12-15 heimekamp-laurdagar (no er lokalet utleigd til andre, men det gav meirsmak), du finn oss ellers på Q-feltet der Saftkokaradn står. Her får du kjøpt medlemseffektar som t-skjorter, hettejakker og skjerf. Det vi ikkje har inne bestiller vi. Vi har kortterminal og vips-løysing, så du får lett kjøpt rimelege enkelt eller familie-medlemsskap i Saftkokaradn.  Vesentlege medlemsgoder har vi og, men først og fremst ønskjer vi ditt engasjement.

Vi har aktive underavdelingar rundt omkring. Har du ikkje høve til å reise på kamp kan du møte likesinna for å sjå kamp og diskutere. Avdelingane i Bergen, Voss, Hallingkokaradn og Oslo skal vere inkluderande og lette å få kontakt med. 
Meld deg inn i Saftkokaradn og ta del i stemninga på Fosshaugadn frå Linestribuna!