Velkomen til Saftkokaradn!

Me er den offisielle supportargruppa til Sogndal Fotball.
Namnet er henta frå Sogndal si over hundre år gamle hjørnesteinsbedrift, saft- og syltetøyprodusenten Lerum.
Supporterklubben vart etablert i 2001. Då hadde vår ærverdige forgjengar Fleskaberget lagt inn årene og medlemmane sett seg på hovud- og familitribuna.

Me bidreg som best me kan til å støtte LAGET både på heime og bortebane. Me meinar sjølv me er ein open, inkluderande og entusiastist gjeng med eigne meiningar om det som skjer i klubb og på Campustribuna. I 2012 hadde me ca 110 medlemmer. I 2013 var vi av dei få supporterklubbane med litt vekst. 2014 vart eit litt tyngre år. 2015 litt betre og i 2016 fekk vi til eit stemnings-løft på tribuna saman med uavgengige 1926 og no over 750 medlemmer i vår lukka Facebook-gruppe. Men vi er enno færre enn i gullåra 2003-2004 då me var over 300 betalande medlemmar. Me skal dit att. Bli med på laget! Vi er stolte medlemmar av NSA (Norsk supporterallianse) og meinar mykje om kva som må til for å skape stemning på tribunene her og elles i landet. Vi har eit godt samarbeid og tillitstilhøve til klubben basert på dialog, sjølv om vi stundom er usamde. Både vi og klubben lærte mykje av ei usemje vi hadde i 2009.

TILBOD TIL MEDLEMANE I SAFTKOKARADN -Saftkokareffektar

SESONGKORT 2017

Sesongkortet kostar 500,- pr.stk. Det er beste pris i Noreg i år! Bli med på laget. Bli medlem då vel (sjå eige menypunkt).

Vi vil i 2017 ha eigen butikk på Sogningen kl 12-15 heimekamp-laurdagar (so lengje lokalet ikkje er utleigd til andre), stand ved kiosken på Linestribuna, ved utgangen til Q-feltet der Saftkokaradn står. Her får du kjøpt medlemseffektar som t-skjorter, hettejakker og skjerf. Det vi ikkje har inne bestiller vi. Vi har kortterminal og jobbar for vips-løysing, så du får lett kjøpt medlemsskap i Saftkokaradn. 

Vi har aktive underavdelingar rundt omkring. Har du ikkje høve til å reise på kamp kan du møte likesinna for å sjå kamp og diskutere. Avdelingane i Bergen, Voss, Hallingkokaradn og Oslo skal vere inkluderande og lette å få kontakt med. 
Meld deg inn i Saftkokaradn og ta del i stemninga på Fosshaugadn frå Linestribuna!